ಅತ್ತಾವರ: ಏಪ್ರಿಲ್ 8ರಿಂದ ಶ್ರೀ ವೈದ್ಯನಾಥ ದೈವದ ವರ್ಷಾವಧಿ ಹಾಗೂ ಅರಸು ದೈವದ ‘ಇಡೀಬಂಡಿ’ ನೇಮೋತ್ಸವ

ಮಂಗಳೂರು: ಅತ್ತಾವರದ ಶ್ರೀ ವೈದ್ಯನಾಥ ಮತ್ತು ಅರಸು ಮುಂಡತ್ತಾಯ ದೈವಸ್ಥಾನದಲ್ಲಿ ಶ್ರೀ ದೈವಗಳ ವರ್ಷಾವಧಿ ಉತ್ಸವ ಹಾಗೂ ಅತ್ತಾವರ ಬಂಡಿ ಉತ್ಸವವು ಏಪ್ರಿಲ್ 8ರಿಂದ 13ರವರೆಗೆ ಅತ್ಯಂತ ಸಡಗರ ಸಂಭ್ರಮದಿಂದ ಜರುಗಲಿದೆ.

ಈ ಪುಣ್ಯೋತ್ಸವದ ಅಂಗವಾಗಿ ವಿವಿಧ ಧಾರ್ಮಿಕ ವಿಧಿವಿಧಾನಗಳು ಹಾಗೂ ನೇಮೋತ್ಸವಗಳು ನಡೆಯಲಿವೆ. ಭಂಡಾರ ಮನೆಯ ಅನುವಂಶಿಕ ಆಡಳಿತ ಮೊಕೇಸರರಾದ ಶ್ರೀ ಎ. ವಿದ್ಯಾಧರ ಅವರು ಭಕ್ತಾದಿಗಳನ್ನು ಈ ಸಪ್ತ ದಿನಗಳ ಕಾರ್ಯಕ್ರಮಕ್ಕೆ ಸ್ವಾಗತಿಸಿದ್ದಾರೆ.

ಕಾರ್ಯಕ್ರಮಗಳ ವಿವರ:

• ಏಪ್ರಿಲ್ 8 (ಬುಧವಾರ): ಬೆಳಿಗ್ಗೆ 9.00ಕ್ಕೆ ಚಕ್ರಪಾಣಿ ದೇವಸ್ಥಾನಕ್ಕೆ ಕೊಪ್ಪರಿಗೆ ಇಡಲು ಹೋಗುವುದು ಮತ್ತು ಸಂಜೆ 5.00ಕ್ಕೆ ಧ್ವಜಸ್ತಂಭ ಏರುವುದು ನಡೆಯಲಿದೆ. ರಾತ್ರಿ 9.00ಕ್ಕೆ ಶ್ರೀ ವೈದ್ಯನಾಥ ದೈವದ ಚಕ್ರಪಾಣಿ ದೇವಸ್ಥಾನಕ್ಕೆ ಭೇಟಿ ಹಾಗೂ ರಾತ್ರಿ 10.00ಕ್ಕೆ ಭಂಡಾರ ಆಗಮನ ಮತ್ತು ಧ್ವಜಾರೋಹಣ ಜರುಗಲಿದೆ.
• ಏಪ್ರಿಲ್ 9 (ಗುರುವಾರ): ರಾತ್ರಿ 10.00 ಗಂಟೆಗೆ ಶ್ರೀ ಅರಸು ಅಣ್ಣ-ತಮ್ಮ ದೈವಗಳ ಕಂಚಿಲ ನೇಮೋತ್ಸವ ನಡೆಯಲಿದೆ.
• ಏಪ್ರಿಲ್ 11 (ಶನಿವಾರ): ರಾತ್ರಿ 11.00ಕ್ಕೆ ಶ್ರೀ ವೈದ್ಯನಾಥ ದೈವದ ಅರ್ಧಬಂಡಿ ನೇಮೋತ್ಸವ ಜರುಗಲಿದೆ.
• ಏಪ್ರಿಲ್ 12 (ಆದಿತ್ಯವಾರ): ರಾತ್ರಿ 10.00 ಗಂಟೆಗೆ ಶ್ರೀ ಅರಸು ದೈವದ ‘ಇಡೀಬಂಡಿ’ ನೇಮೋತ್ಸವ ಅತ್ಯಂತ ವಿಜೃಂಭಣೆಯಿಂದ ನೆರವೇರಲಿದೆ.
• ಏಪ್ರಿಲ್ 13 (ಸೋಮವಾರ): ಬೆಳಿಗ್ಗೆ 5.00 ಗಂಟೆಗೆ ಶ್ರೀ ಜುಮಾದಿ ಮತ್ತು ಬಂಟ ದೈವಗಳ ನೇಮೋತ್ಸವ, ನಂತರ 9.00 ಗಂಟೆಗೆ ಶ್ರೀ ವೈದ್ಯನಾಥ ದೈವದ ನೇಮೋತ್ಸವ, ವಲಸರಿ ಉತ್ಸವ, ಪರಿವಾರ ದೈವಗಳ ನೇಮ ಹಾಗೂ ಧ್ವಜ ಇಳಿಸುವಿಕೆಯೊಂದಿಗೆ ಉತ್ಸವ ಸಂಪನ್ನಗೊಳ್ಳಲಿದೆ.

ಅನ್ನಸಂತರ್ಪಣೆ:

ಉತ್ಸವದ ಪ್ರಯುಕ್ತ ಏಪ್ರಿಲ್ 9ರ ಗುರುವಾರದಿಂದ ಏಪ್ರಿಲ್ 12ರ ಆದಿತ್ಯವಾರದವರೆಗೆ ಪ್ರತಿ ದಿನ ರಾತ್ರಿ 7.00ರಿಂದ 10.00 ಗಂಟೆಯವರೆಗೆ ಭಕ್ತಾದಿಗಳ ಸಹಕಾರದೊಂದಿಗೆ ಅನ್ನಸಂತರ್ಪಣೆ ನಡೆಯಲಿದೆ.