ಫೆ.25-ಮಾ.1: ಶ್ರೀ ಕ್ಷೇತ್ರ ಗೆಜ್ಜೆಗಿರಿ ವರ್ಷದ ಜಾತ್ರೆ

ಪುತ್ತೂರು: ಶ್ರೀ ಕ್ಷೇತ್ರ ಗೆಜ್ಜೆಗಿರಿ ಆದಿದೈವ ಧೂಮಾವತಿ, ಸಾಯನ ಬೈದರೆನ ಗುರುಪೀಠ ದೇಯಿ ಬೈದೈತಿ, ಕೋಟಿ ಚೆನ್ನಯ ಮೂಲಸ್ಥಾನಡ್ ಫೆ.25 ರ್ದ್ ಮಾ.1 ಮುಟ್ಟ ನಡಪರೆ ಉಂಡು. ಈ ಲೇಸ್ ನ್ ಶ್ರೀ ಶಿವಾನಂದ ತಂತ್ರಿಲೆನ ಮುತಾಲಿಕೆಡ್, ವೈದಿಕ ವಿಧಿ ವಿಧಾನಲೆನ್ ತೌಳವ ಪರಂಪರೆತ್ತ ಅನುಸಾರವಾದ್ ನಡಪಾಯೆರೆ ಉಂಡು.

ಫೆ.25 ಬುದಾರ ಬಯ್ಯಗ್ ಸಾಮೂಹಿಕ ಪ್ರಾರ್ತನೆ, ಉಗ್ರಾಣ ಮೂರ್ತ ನಡಪರೆ ಉಂಡು. ಫೆ.26 ಗುರುವಾರ ಬೊಲ್ಪುಗು ಗಣಪತಿ ಹೋಮ, ಗುರುಪೂಜೆ, ತೋರಣ ಮೂರ್ತ, ನಾಗದೇವೆರೆನ ಸಾನಿಧ್ಯಡ್ ನವಕಲಶ, ಆಶ್ಲೇಷಾ ಬಲಿ, ಧೂಮಾವತಿ ಬೊಕ್ಕ ಪರಿವಾರ ಸಾನಿಧ್ಯಡ್ ಕಲಶಾಭಿಷೇಕ, ಕೊಡಿ ಏರುಂಡು. ಬೊಕ್ಕ ಪರ್ವಸೇವೆ, ಗರಡಿಡ್ ಮಹಾಪೂಜೆ, ಮಧ್ಯಾಹ್ನ ಸತ್ಯಧರ್ಮ ಚಾವಡಿಡ್ ಮಹಾಪೂಜೆ, ಅನ್ನಸಂತರ್ಪಣೆ ಬಯ್ಯಗ್ ಭಗವತೀ ಸೇವೆ, ಧೂಮಾವತಿ ಬಲಿ ಉಚ್ಚಯ, ರಾತ್ರಿ ಸತ್ಯಧರ್ಮ ಚಾವಡಿಡ್ ಮಹಾಪೂಜೆ, ಕಲ್ಲಾಲ್ದಾಯ ಗುಳಿಗೆ ನೇಮೋಚ್ಚಯ ನಡಪರೆ ಉಂಡು. ಫೆ.27 ಸುಕ್ರಾರ ಬೊಲ್ಲುಗು ಗಣಪತಿ ಹೋಮ, ಧೂಮಾವತಿ ದೈವೊದ ಭಂಡಾರ ಜಪ್ಪೆರೆ ಉಂಡು. ಬೊಕ್ಕ ಧೂಮಾವತಿ ನೇಮೋಚ್ಚಯ ಮಧ್ಯಾಹ್ನ ಮಹಾಪೂಜೆ, ಅನ್ನಸಂತರ್ಪಣೆ ಬಯ್ಯಗ್ ಧೂಮಾವತಿ ಬಲಿ ಉಚ್ಚಯ, ರಾತ್ರೆ ಕುಪ್ಪೆ ಪಂಜುರ್ಲಿ ದೈವೊದ ಭಂಡಾರ ಜಪ್ಪೆರೆ ಉಂಡು. ಬೊಕ್ಕ ಸತ್ಯಧರ್ಮ ಚಾವಡಿಡ್ ಮಹಾಪೂಜೆ, ಕುಪ್ಪೆ ಪಂಜುರ್ಲಿ ಬೊಕ್ಕ ಕೊರತಿ ನೇಮೋಚ್ಚಯ ನಡಪರೆ ಉಂಡು.

ಫೆ.28 ಸನಿಯಾರ ಬೊಲ್ಲುಗು ಗಣಪತಿ ಹೋಮ, ಕಲಶಾಭಿಷೇಕ, ಮಧ್ಯಾಹ್ನ ಸತ್ಯಧರ್ಮ ಚಾವಡಿಡ್ ಮಹಾಪೂಜೆ, ಪಲ್ಲಪೂಜೆ, ಅನ್ನಸಂತರ್ಪಣೆ ಬೊಕ್ಕ ಮಡಿಲು ಸೇವೆ ನಡಪುಂಡು. ಬಯ್ಯಗ್ ಧೂಮಾವತಿ ಬಲಿ ಉಚ್ಚಯ, ರಾತ್ರೆ ಬೈರ್ದೆಲು ಗರಡಿ ಜಪ್ಪುವೆರ್, ಬೊಕ್ಕ ದೇಯಿ ಬೈದೆತಿ ನೇಮೋಚ್ಚಯ, ಬೈರ್ದೆಲೆನ ದರ್ಶನ ಆದ್ ನೇಮೋಚ್ಚಯ ನಡಪರೆ ಉಂಡು. ಮಾ.1 ಐತಾರ ಬೊಲುಗು ಗಣಹೋಮ, ಕಲಶಾಭಿಷೇಕ, ಕೊಡಿ ಜವೆರೆ ಉಂಡು. ಬೊಕ್ಕ ಗುರುಪೂಜೆ ನಡಪರೆ ಉಂಡು