ಶ್ರೀ ರಮಾದೇವಿಯವರ ಮಹಾಸಮಾಧಿ ದಿನಾಚರಣೆ – ಭಕ್ತರಿಗೆ ವಿಶೇಷ ಆಹ್ವಾನ..!

ಮಂಗಳೂರು: ದಿವ್ಯ ಮಾತೆಯವರಾದ ಶ್ರೀ ರಮಾದೇವಿಯವರ ಮಹಾಸಮಾಧಿ ದಿನದ ಅಂಗವಾಗಿ ನವೆಂಬರ್ 1, 2026ರಂದು ವಿವಿಧ ಧಾರ್ಮಿಕ ಹಾಗೂ ಸೇವಾ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದೆ. ಈ ಪುಣ್ಯ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವಂತೆ ಎಲ್ಲಾ ಭಕ್ತಾದಿಗಳಿಗೆ ಭಕ್ತಿಪೂರ್ವಕ ಆಹ್ವಾನ ನೀಡಲಾಗಿದೆ.

ಕಾರ್ಯಕ್ರಮದ ಅಂಗವಾಗಿ ಬೆಳಿಗ್ಗೆ 8:30ರಿಂದ 10:30ರವರೆಗೆ ಮಿಷನ್ ಆಸ್ಪತ್ರೆಯ ಆವರಣದಲ್ಲಿ ದಿವ್ಯ ಮಾತೆಯವರ ಪ್ರಸಾದ ರೂಪವಾಗಿ ಅಕ್ಕಿ ವಿತರಣೆ ನಡೆಯಲಿದೆ.

ಇನ್ನು ರಾತ್ರಿ 7:30ರಿಂದ ಭಗವಾನ್ ಸ್ಮಾರಕ ಸಭಾಂಗಣದಲ್ಲಿ ದುರ್ಗಾ ನಮಸ್ಕಾರ ಪೂಜಾ ಕಾರ್ಯಕ್ರಮ ಜರುಗಲಿದೆ.

ದಿವ್ಯ ಮಾತೆಯವರ ಸ್ಮರಣಾರ್ಥ ನಡೆಯುವ ಈ ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತಾದಿಗಳು ಭಾಗವಹಿಸಿ, ಭಕ್ತಿಭಾವದಿಂದ ಪೂಜಾ ಕೈಂಕರ್ಯಗಳಲ್ಲಿ ಪಾಲ್ಗೊಂಡು ದಿವ್ಯ ಮಾತೆಯವರ ಆಶೀರ್ವಾದ ಹಾಗೂ ಅನುಗ್ರಹಕ್ಕೆ ಪಾತ್ರರಾಗಬೇಕೆಂದು ಆಯೋಜಕರು ವಿನಂತಿಸಿದ್ದಾರೆ.